Размеры иконы Стефан архидиакон 60х120 см.
Изготовление икон в индивидуальных размерах, для обустройства иконостаса православных храмов, соборов и монастырей.
Молитва Стефана Архидиакона.
О, великий первомучениче Христов, апостоле и архидиаконе Стефане! Тебе, яко верному Христову подражателю, приносим мы грешнии молитвы своя недостойныя, твоему милостивому предстательству о нас пред престолом Божиим тепле верующе. Ты, еще жив, печать Господа Иисуса Христа в себе всегда имел еси, не токмо своими добродетельми, знаменьми и чудесами, изобильно тобою совершаемыми, сию показуя, но явно на лице твоем, сияющем, яко лице Ангела, печать благодати Божия носил еси. Славу Божию и Сладчайшаго Иисуса, стояща одесную Бога, твоима телесныма очима узрел еси, Духом Святым осияваемый. Еще же печать Божества, в тебе пребывающую, явно показал еси всей вселенней, егда в смертный мученический час твой не токмо о всех людех, но и о вразех усердно молился еси, молитву Сына Божия на Кресте воспоминая. Сию печать Божества в себе богатоносиши, и скорбьми прибегающих к тебе видеши, и к престолу Божию молитву о сих усердно приносиши. Подаждь и нам, Боговидче преславный, Христа Спасителя нашего всем сердцем любити, волю Его вседушно исполняти, во имя Христово вся скорби с терпением носити, и не токмо о присных, но и о всех людех, и о вразех своих усердно молитися, да и наши грехи покрыет Господь твоими теплыми молитвами, наипаче же благодатию и человеколюбием и милосердием Своим: яко Тому подобает всякая слава, честь и поклонение Отцу и Сыну и Святому Духу, ныне и присно, и во веки веков. Аминь.»
